[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]
أتيت للشعر بزمان الشعارات =أحمل رساله واستعين بوسيله
أصافح المرقاب في عدة ابيات= تكون عربون وبدايه جميله
هيهات تخبو جذوة الشعر هيهات =مادام باقي له زناد وفتيله
الشعر يصلح فاكهه لا فكاهات =ماكان يوما مسرحيه هزيله
واذا خلا من فلسفه وابتكارات =لو زاد كيله مانفع من يكيله
أشوف في مايحمل الشعر هنات =تعكس ملامح جاهليه دخيله
وعلي تقديمه من الذات للذات =لا أطلب جزاه ولا أرتجي من يشيله
واما كتبته واختصرت المسافات =ماني بخيال لبنت الكحيله[/poem]