السلام عليكم ورحمة الله وبركاته

اسعد الله اوقاتكم بكل خير

اضع بين يديكم اخر ما كتبت متمنيا لها القبول




[poem=font="simplified arabic,6,black,bold,normal" bkcolor="transparent" bkimage="backgrounds/17.gif" border="none,4,gray" type=1 line=1 align=center use=ex num="0,black""]
وادعتها والعين بالدمع غارقه=قدام نور الصبح تبدي مشارقه
وادعتها وارخصت دمعي لعينها=وعزي لمن مثلي حبيبه مفارقه
يبكي من الفرقا ويبكي من الشقا=وهم ورا قلب المعنا يزارقه
محبته بين الحنايا تمكنت=ردت عن الباب المقفل طوارقه
غلاي ولله ما وهبته لغيرها=الجادل الي عن نساء الكون فارقه
تفرق بمنطقها وتفرق بزينها=فيها الجمال اليوسفي لاح بارقه
يابري حالي كل ما العين سلهمت=وياويل ويلي كل ما اغضت سوارقه
اجيلها من جور الايام منكسر=وتجبر عزى قلبي وترفع بيارقه
اسوق هقواتي تحت رمش عينها=سوق الضوامي في لهب شمس حارقه
اقيم وارحل بين ناره وجنته=بعده شقاي وجنة الوصل واارقه
[/poem]

شعر

محمد الوبيري العصيمي