السلام عليكم ورحمة الله وبركاته ...
مساكم الله بالخير والشعر , بعد أنتظار 4 سنوات تمكنت من إيجاد الطريق الصحيح للوصول لعضوية هذا الصرح الشامخ ...
أخواني / أخواتي , أعضاء هذا الصرح الشامخ , أضع بين أيديكم هذه المتواضعه , وأتمنى أن تنال على أعجابكم , صلوا على النبي :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شهرت سيف القصيد ودفتره وقلمه=وقتلت صمت الشعور اللي ملاني غياب
ودعيت الأبداع والأبداع فيني سمه=وذخرت له من عذارى الفكر عنقا وذاب
وأسرجت خيل القصيد بليلتـ(ـن)مظلمه=وخيّم علي الحزن والضيق والأكتئاب
وصاح القلم شوق للتعبير والترجمه=وأضحى ما بين الهموم وبين مر العذاب
وأنهل شوقه ولكن ما لقى ملهمه=ولا لقى فالزمن لهموم صدره كتاب
لقى أمنياته سراب,وحلمه اللي حلمه=أسدل عليه الستار وصار مثل السراب
ولقى شظايا الحلوم وضيقه وهمهمه=وأحساس بيّن عليه الكبت والأضطراب
شاعر وقصدي شريف وغايتي مبهمه=وأرقى بشعري وفعلي فوق روس الهضاب
أتبع طريق الكريم وهدّيه وسلّمه=وأمشي على سنة الهادي وشرع الكتاب
وأرضى بقسمـ(ـن)مليك الأرض لي قسمه=وأستغفره كل ما ضيعت درب الصواب
يا صاحبي صاحبك ضايق وناشف دمه=ولا سند آماله ألا فوق متن السحاب
أخذ النصيحه من لسانه ومنطق فمه=وخلك كما الذيب لا جاوب قنيب الذياب
صل الفروض بخشوع وثلث ليلك قمه=وللبيت حج,وتعمر,وأكسب أجر وثواب
وصوم رمضان وتصدق والكبير أحشمه=وآت الزكاة أن بلغ (مالك)حدود النصاب
ولا تقذف المسلم ولا تقذف المسلمه=ولا تعبد ألا العظيم اللي يذل الصعاب
ربـ(ـن)نفوس البشر لأرضاه مستسلمه=تسعى وتعمل لتنجوا في نهار الحساب
يالله يا مرسل المبعوث ومعلمه=حسن التعامل مع الأغراب قبل القراب
طالبك لا جاك عبدك فالنعيم أنعمه=وأكفيه ضيق القبر لا صار تحت التراب
ودله طريق الصلاح وعزه وسلمه=وسخر له لجنة الفردوس مليون باب
وصحح مساره ليا ضيع وزل قدمه=وأجعله يظفر بشوفك يوم كشف الحجاب
وثبته يوم السؤال أن ضاق فيه نسمه=وأغفر خطاه أن وقف قدمك بليا ثياب
[/poem]
وسلامتكم ...

شعر : فهد عوض البريكي ...[/quote]