عندما قرأت خبر وفات الشاعر الكبير الصريح العتيبي /عايض ابن سرحي العتيبي
هذا اليوم الذي كان بمثابة الاخ
حيث اني فجعت وخرجت مني هذه الابيات التي لاأراها كافيه
في حق اخوي الله يبيحه ويرحمه

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يارب تعطيني من الصبر قرطوع =مقدر على هول الخبر والفجيعه
يارب انا في وضع مزري ومفجوع=قلبي من المعلوق غادي مزيعه
قريت في البيطار بالقلب ودموع=مصيبتٍ حطت بكبدي وجيعه
خبررحيل اللي عن الهون مرفوع=عز الخوي رمز الوفا والطبيعه
ياجعل قبره ينفجرمنه ينبوع=يسقي ترابه والخزاما ربيعه
عساه بين انهار وجنان وزروع=يالله لعل اللي بعثته شفيعه
ياقلب ونّ وهات مثنى ومربوع=حنين حزن وهات دمعي جميعه
تنعاه نبضاتي مفاريد وجموع=من واهجٍ في القلب ولع وليعه
انعاك ياعايض ولي حق مشروع=وشلون مانعى من تركلي وديعه
راعي كرم وقت المهمات باتوع=تنساق قيفاني لمثله مطيعه
وياعين جودي دمع مافيه ممنوع=إبكيه ثم إبكيه ماهي بديعه
وياالله تعطيني من الصبر قرطوع=مقدر على هول الخبر والفجيعه[/poem]