الاخوه الاعزاء
إداره ومراقبين ومشرفين واعضاء وزوار منتديات المرقاب
السلام عليكم ورحمةالله وبركاته
سعيد بهذه الفرصه وأتمنى أن افيد واستفيد
وشكراً للقايمين على المرقاب على هذه المبادره اللي ينتظرها الكثير
مصافحه أولى اتمنى أن تنال ذايقتكم

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num
="0,black""]

من عادةاللي مايبي لك طايله=لاشاف وقفاتك وطولاتك يضيق

ويفرح بزلاتك وهمك شايله=ومن العنا متحمل ٍ مالايطيق

يخشى جميل يخفس بجمايله=مورا له بنفسه وفاوهامه غريق

الطيب طيبه والفعل فعايله=لوكان ماقد شيف له فعل ٍ طليق

مع الا صايل ماتسير أصايله=ويوصف العراف توصيف ٍ دقيق

لاجاء مجالك حضرت مثايله=وشارك بقدح ٍ في غيابك مايليق

لاحصل اللي يستلم رسايله=شكل على التقليل من شانك فريق

يشعر بنقص وتشتعل فتايله=وعلى دروب المرجله قاطع طريق

ماله وسيله وأتخذ وسايله=معاق ويحاول يعيق اللي يعيق

قاصر حبال ولايبي لك طايله=خله على يسراك لو أنه رفيق[/poem]