مخايل

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضاقت الساحة بشعار البطاله = وضيقوا حتى الفضاء عرضه وطوله
علم اللي مشغلً فكره وباله = ويتناوش شيء ما يقدر يطوله
ويتكلم بالحداثة والجزاله = ولا عرف معنى الكلام اللي يقوله
الحداثة والجزالة والأصاله = الكلام اللي يجي على أصوله
القصيد إحساس وشعور ورساله = موهبة وادراك والشاعر رسوله
عولمة وعلوم وأعلام وعماله = وكلها تاخذ على الشاعر عمولة
انفتح للشعر باب من خلاله = ضاع ياقوته ومرجانه ولوله
ضيعوه وضيعوا هيبة جلاله = وان تشره شرهته على فحوله
نخبةٍ تعزل حرامه عن حلاله = وفي مجالاته خذوا صوله وجوله
خالد بن سعود يا امير الشكاله = والجزالة والثقافة والرجولة
ازهم اللي بينهم شعر وزماله = ازهموا لافي وسلطان ارسلوا له
وقل لعبد الله وعبد الله بحاله = والزلامي وابوناصر وافزعوا له
وغيرهم ربع لهم قاله وطاله = ينقذون الشعر من ناس تغوله
حب الأضواء والمصالح والجهاله = الثلاث اللي تساهم في نزوله
صاير سعره مثل سعر النخاله = والمهبل يشترونه بالسهولة
ومن يرد اللي شراه بحر ماله = أنت وينك أنت في عصر السيولة
جيت أبفزع له واسويلي جماله = وحيل من دونه اليا ماني بحوله
آه ووجداه يا وقت العداله = يوم كانوا كل رجال وميوله
وكل رجال يبدع في مجاله = قبل وقت اليوم ورياله وفوله
كلمة ما قلتها على عجاله = قلتها وبمحمل الجد محمولة
زبدة الموضوع خير من الإطاله= يا عسى عند العرب يلقى قبوله[/poem]

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.