مخايل

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يلوح البرق في صدر السحاب ويدوي الرَعاد = وانا همي يفج الصدر مثل الغيم ورعوده
يدق ظلوع قلبي و الكدر بيـن الظلوع أزداد = وخلى خاطري من كثر همه تنضح عدوده
مسكت الصبر بخطامه ولكنَ الصبر ما فاد = جفل يتلي نياق الياس لين انه هوى ذوده
لا صـار الحزن يفرض هيبته عند البشر و ش عاد = نسوي للفرح دام الحزن ما يحشم وجووده
شقيت ودنيتي باعت جواهرها بثوب أحداد = نعيت القلب بالفرحه وضاق الكون بحدوده
يطيح العزم وتموت الأماني و الجروح أجواد=تجـدد عهدها مادامها بالصدر موجوده
مفاهيم الحياة أكبر من التفكير و الأبعاد = وأنا بفكري مشيت الدرب و البيبان مسدوده
لقيـت الحظ ماله حظ لدروب الشقى منقاد= ولقيـت أحلام عمري تنقـتـل بالمهـد مولوده
تعبت وصار همي يدعم جروحي حزن وسهاد= وبسمات الفرح من خدي اللي نـاح ,, مطروده
يا ليت الوقت ما شح الفرص للي بعزمه جاد=عشان يحقق أحلامه لو آلآحلام معدوده
همومي و الطواري كنَها بين الضلوع أوتاد = ركزها الوقت من فعله وبيَن بالشقى جوده
صواديف الزمن خلت عيوني للسهر تعتاد = أفل اللى مضى كله وأرد أجدد عهوده
وأقول الله يفرَجها على قلب ٍ بضيقه زاد=ويسقيه السعاده لين ترجــع تنبت وروده[/poem]

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.