[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
قبل امس واحزاني على روحي تحوم=قلت وحدود الارض ما تشيل كرسي !
من يقبل اعذاري ، ويحرمني اللوم=يكفيني من اللوم .. لومي لـ نفسي !
سنين عشر ، وفرحة سنيني تصوم=عن لمّة عيوني ، وتقبيل خمسي !
راح العمر وانا انتظر للفرح يوم=والحزن يكتبني ، ويسعى في طمسي !
ظنّيت خير ، وقلت يا طايح تقوم=لا قامت حظوظي ، ولا صاب حدسي !
حكيت حتى ما بقى شـي مكتوم=وسكت حتى ما سِمع صوت همسي !
من قسوة الأيام مانيب محروم=ومن جفوة الخلاّن مانيب منسي !
لو يكتفي حزني بـ / حرماني النوم=كان اشرقت قبل الصباحات ، شمسي!
من كثر ما أحسه أخو روحي التوم=صرت اعزم طيوفه على يوم عرسي !
حزني مهو من حزن الايام مقسوم=الحزن نفسه شـي من حزن نفسي !![/poem]
|