[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
ياورق ياللي فوق الاغصان سجَاع=

ذكرتني فرقا المحبين ياورق=

ذكرتني فرقا الولايف والاجاع=

اللي سرق مني الفرح بالهوا سرق=

واصبحت للذكرى وللجرح جماع=

اجمع الذكرى من الغرب والشرق=

وعزي لمن قلبه على حبيبه جاع=

وحبيبه حبه على الضحك والقرق=

ماشفت لك في سكت الحب مجزاع=

صحيح لا قالوا العذاراء بهن فرق=

كني في ليلك طفل تايه ومرتاع=

وزود ظلامه غيمة الغدر والبرق=

والله يصيب اللي من الوصل قطاع=

مزيفات الزين وعيونهن زرق=

اللي تقضَي وقتها كذب واخداع=

ياللي من اعروق الغدر داخلك عرق=

واليوم انا من جملة الناس منصاع=

مانشد عن المحروق ولاانشد عن الغرق=

شفني في راس الضلع واقف وملتاع=

ماغير اهيجن واردف الطرق بالطرق=[/poem]