عايض النفيعي

أفـك .. أزاريـر / ثوبي .. وأتلقـّى الهبـوب
......................... وأطلع من ( الخرج ).. كنّي طالع ٍ من قبو

واللي مضيّق على صدري .. ومن كل صوب
......................... وشلون ضاق النسم .. وأنا ما عندي ربو










عليتس آمان ( 1 ) يا حبيبه والدروب ( 2 )
لتس الخيره .. وتحديد المصير .. ويالله الخيره

يا وسع الأرض .. لو مانيب محدود ٍ على دربين
وياضيق الكون .. لو أن أرضنا ما هيب ( دويره )

وصلنا مفترق طرْق .. وتليمنا يا نور العين
على لفة طريق ٍ .. ما معه لفه / وتدويره

طريق الحب باللي فيه .. من فرقا / وهجر / وبين
وانا شوري عليك .. أخذي كلامي .. دوري غيره

مشينا فوق ممهوده / قرابة / فوق / عشر اسنين
ولا رحنا .. ولا يعطيه .. واحد / رايح ٍ ديره

ثقل وزن ( الغرام ) .. وخف وزنه .. عند ( خفّ ) احنين
سلمنا من حنين .. ولا سلمنا من مشاويره

تقفـّانا زمان ٍ يلحق الحيّين .. بالفانين
أحد عايش على ذكرى .. وأحد ميّت من الغيره

أدوّر للسعاده .. بس ويني .. والسعاده وين
أسطّر سيرتي .. مار السعاده مالها سيره

تزيدين الجروح .. وصرت لك عاشق ( على السكين )
صرف دمّه على عرقين .. من ودّه وتقديره

أقول أصبر عليك .. أحيان .. وآرب الأمور اتزين
وأمرر من غلاك أشياء .. لو ما هيب / تمريره

أنا رجّال واضح .. ماني منافق / وأبو وجهين
صريح .. وبيّن ٍ صفق الهوى فالوجه تأثيره

عليّ .. ايبين ما يخفيه صدري .. لو مبيه ايبين
ملامح وجهي اتعبّر .. لـ / خان الشعر تعبيره

لكن أمشي فمان الله .. وأمشي سكة الماشين
لو إني من بعد فرقاك .. من جفره لدحديره

( تــنــاقيــــــــع )







..