يا شجون هيّضتي عليّ التفاكير
.......................عافت عيوني بعد سِمْعِك منامي
وين الطرب وين الفرح والتباشير ؟
.......................وين القصيد اللي يهز الانامي ؟
ودّعته بصمت ومعزه وتقدير !
....................وضميته لديوان " مسك الختامي " !
يوم الطريق يحث رجلي على السير
.....................امشي ولانْظر وش وراي وامامي
امشي وفي كبد السما ودي آطير
.........................احلام عمري كلبوها مقامي !
عظيمةٍ ماتحتوي اي تفسير
...........................كبيرةٍ ماتنوصف بالكلامي !
طموحةٍ تخون فيها التعابير
........................كتومةٍ تخشا العتب والملامي !
فقدتها واسْندتها للمقادير
..................يوم الحزن في جو الاحلام حامي !
عسا المشاعر يوم تقبل معاذير
......................تجلي عن الليل العنا والظلامي
وعسا قصيدٍ جاك في حزة عصير
.....................يوفي ويوصِل لا شلع لك سلامي !