البارحه حسبتها وابطيت ادقق بالحساب
.................ولقيت لي حلن لمسئلتن عجزت بحلها
واللي سال يبغى الاجابه مالقى رد الجواب
...............وارسلتله عبر الرساله حاجتن يفطن لها
من لاعرف قدر المشاعر ماعرف قدر الرقاب
...............ومن لاعرف قدر الصداقه ماعرفها كلها
ومن يجهل اسباب الخطا يتعب على درب الصواب
..............ومن يحسب حساب العواقب حاجته يدلها
واللي نشف ريقه عطش يفرح ليا شاف السراب
................ حتى الشفايف تبتسم فرحه ولو مابلها
واللي تعلم ينتبه للبرق ويخيل السحاب
..............وليا لقاله شجرتن خضرا جلس في ضلها
ومن لاعرف حد الهنادي ماعرف قضب النصاب
.....................واللي تعلمها لاجات المواقف سلها
والعلم يعرف بالتعلم فالحياه وفالكتاب
.................واعرف ترا سود الليالي ماتخلي خلها