يا دمعة المشتاق .. ما الله هداني
حاولت اضمّك في عيوني .. وطحتي
يا كثر ما عرّى الشموخ .. الاماني
كم شلت يا راسي .. وكم طاح تحتي
تعبت ادوّر .. ما يذكّر زماني
عن سيرة اقلامي ورسمي ونحتي
وانا شطيط .. ومهرتي ما تداني
يا مهرتي .. خفي علي لا ابتجحتي
اللي بقى لي .. من هواي وهواني
قلبٍ هشمتي كبرياه .. وجمحتي
ولا صدمني بالفراق .. ودهاني
الا نكوفك عنه .. يوم استبحتي
اسرفتي .. وجاني معك ما كفاني
وانا قعدت انصحْك .. ولا انّصحتي
ما كنت متغطرس ولا دونجواني
بيدك مسكتي هامتي .. وانجرحتي
عامين .. واحساسي معك شي ثاني
من يوم جيتي بالغلا .. لين رحتي!
|