[poem=font="simplified arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
واقعي جني وحلمي يلوح بوجه ذيب= واستحاله يجتمع ذيب مع جني سوى
كل ماقلت اشرقت شمس هفت للمغيب= تطوي الايام واقول ماضي وانطوى
ويستعيد اليوم مجده على حدٍ عطيب= خصم يشرب من عروقي لكنه ماروى
ياحيامن مالقيتي غدير ولاقليب= شحت الايام حتى على نسمة هوى
نتفق مع غربة الذات ونردد نصيب=كل ماقلنا انتهض من مداهيله ثوى
كم لصدري يكبت الهم في وقتٍ عصيب=لين زرعه بعد ريه من الجاري ذوى
اكبر احلامه مايصبح على وقته غريب=واصغر احلامه يناضل ويقوى من قوى
ويرسم الفرحه على وجه من وقته كئيب=تضوي الافراح والهم يسرح لاضوى
بخترة وقع المعارك على مرس(ن) صعيب= تستحب ورهبة اعداي لجروحي دوى
ايه سيف ابودجانه يناجيني واجيب= وتسرح افكاري مشاريه في وضع(ن) هوى
ولابقى الا حلمي الي يلوح بوجه ذيب= مار صعبه يجتمع ذيب مع جني سوى [/poem]