شاعرة نجد

يامدير البنك وش آخـر علومـك
بعد ما طحت بجرايمهـم ضحيّـه
لو يضيق ابك النفس محدٍ يلومك
دخلـوك المعتقـل وابـلا خطيّـه
لاغفيت تفز مـن لـذة حلومـك
وان وعيت النار في داخلْك حيّـه
عزتيلك كان ضاقت بـك هدومـك
والفرج طوّل على قلبـك مجيّـه
مير طع شوري وشمر عن كمومك
واجبك ترهي من البنـك العطيّـه
بعدها ودّع على كيفـك همومـك
واطْوها لا شفتهـا مليـون طيّـه
انتها رد الدفـاع وجـا هجومـك
عالج الموضوع ودي دون ديّه !


الله الله..راائعه ياوجد

صح لسانك على هـ الممتعه

ومرزوق يستاهل المواساة شاعر مبدع,الله يفك أسرهـ

تحيتي’,,