[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فكّي الباب كان إنك تبى تطلعين=ماورا الباب مستقبلك غير الخلا
وإنظري في يسارك وإنظري فااليمين=شوفي أيّ اليدين أبلغ لروم العلا
كان جيتي (هلا) وإن مابغيتي تجين=ماتكاثرت في روحتك قولة هلا
ساعه تسولفين وساعه تهوجسين=كلّ ماأنشدك عن حاجه تعدّي..جلا
راعي الحاجه اللي سرّها مايبين=دونها القلب من شيمة غلاه إمتلا
مالك الا أعتبرها حاجة المستحين=لاإفضحتها الحروب ولاإكتشفها الولا
جايز إنّك غلطتي غلطة النادمين=والبنادم لامنّ الله بلاه إبتلى
لاتهلّين دمعك والله لترجعين=سالمه بإذن ربك ياعنود الفلا
مايحفظ الأمانه مثل كف الأمين=والله لتاصلين بدون علم الملا
قبر سرّك تحت صدرٍ جنابه متين=ماهو لكيف عشاق النمايم..حلا
عهد لنموت به ماسولفوا به ثنين=ولالقوا في ثرى صدري شراب وكلا
وأبك أنا شيب راسي في شباب السنين=مانبت غير من دفن الغلا ..باالغلا[/poem]
|