[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماجيت ادور صارفات الحناني=ولاجيت لجل اثور العنصريه
العد ماحصلت فوقه سواني=ولقيت جنبه دابٍ اسود وحيه
قلت ابذل المجهود والعمر فاني=واحقق المطلب واحل القضيه
وخلف الكوليس اتضح علم ثاني=تبين الي ليّ والي عليه
مايظلم الاجواد غير الجباني=منتوجها من علةًٍ داخليه
وقتٍ تغير يالله المستعاني=بين الرجال الطيبه والرديه
والخبل لاسولف يصج الاذاني=واكثر هروجه مالها قابليه
وان عودت لشداد بنت العماني=يالي تنشد عن شداد المطيه
شف الجدي والا سهيل اليماني=ولاكل نجمٍ يجذب العين ضيه
وبعض العرب حصل مكانه وشاني=بالجمهره حطوه شاعر بليه
لو قال حتى لالادانه لاداني=قالو كلامك جزل ياحي حيه
طاح الذهب وازداد سعر الاواني=والسوق عمت وسطه الفوضويه[/poem]