وثايق البيت الأبيض .. سود يا ساسه
ماهي مثل لونه اللـي دايـم نشوفـه
بانت بعد ما نشرهـا شـارب الكاسـه
اللي بمـا يحتويهـا يكـرم ضيوفـه
الدولـه العادلـه للظـلـم كـداسـه
والعدل تردم عليه الصمـت وتطوفـه
تحيـك للعالـم المستضعـف لباسـه
من باب الأكـذاب بالعريـان مكلوفـه
تقايس الحـقّ ليـن تعـرف مقياسـه
وتخمّه .. وتسلبـه حقّـه ومعروفـه
والشرّ في ظلّهـا محتـاش نوماسـه
تحكم عليه الأمـان وينجلـي خوفـه
يشهد عليها العبـث لا دقّ مرواسـه
يسيّـل الـدّم مـن بغـداد للكـوفـه
كرامة الشرق تحت الغـرب منداسـه
وحقوق الانسان للعـدوان مصروفـه
واللي يقول المذلّه .. شيّبـت راسـه
يطقّ راسه على ما قيل .. بالطوفـه !
صح لسااااانك
يادكتور الشعر
وش اقتبس وش اخلي
صح لسانك ملاييييين
تقبل مروري
ودمت بخير
|