يا صديقي .. ضاعت حقوق الصداقه
لا تزعّلنـي ولا تـزعـل علـيّـه
ذعذع الغربـي وغـرّك بإصطفاقـه
و أثّرّت فيـك الريـاح الموسميّـه
وقمـت تنقـز بالتبجّـح والحماقـه
ودايـم الأحمـق يحـبّ العنجهيّـه
لا تفاخر بآخـر إسمـك بالبطاقـه
أنتهـى دور العـلـوم الجاهلـيّـه
ما تلاحـظ سمعتـك بيـن الرفاقـه
عقب كانت طيّبـه صـارت رديّـه
للمراجـل كـان مـا عنـدك لياقـه
إنسـدح وأرتـاح والذمّـه بـريّـه
أعتبر مـا بينـي وبينـك علاقـه
لا كلام .. ولا سـلام .. ولا تحيّـه
خاطري حسـاس وسلوكـه دقاقـه
ولو تلامس شبّت النيـران فيّـه !
والله أنّ الطيب مـا يدخـل نطاقـه
غير محمود السجايـا مـع خويّـه
الهديـر اللـي تقبّـه وأنـت ناقـه
فـي مفاهيـم العـوارف سمفونيّـه
وأن عزفهـا عندنـا قطّـاع ساقـه
قلت يـا حلـو اللحـون السامريّـه
أنتهينا .. مير مـن بـاب اللباقـه
ماعليك خلاف .. والشرهـه عليّـه
للدكتور ( سداح ) !
< طلع من الموضوع وهو يغني
|