يا مناقشني في موضوع القصيـده
أترك الشاعر بحفـظ الله وامانـه
هاجسي يطرب للأخبـار الجديـده
والغزل مـا بينـي وبينـه ميانـه
الحوادث ضيّقت صـدر الجريـده
كـل صفحـة فايضـه بزعيتمانـه
و البلد مجروح وجروحـه عديـده
من يشخّص حالته شاف المهانـه
علّة التأزيم تجـري فـي وريـده
لين دقّت عظمـه وهـزّت كيانـه
ودّنا نفرق حـراره عـن عبيـده
و كلّ عبد يقول مـا للحـر خانـه
عاشت الحريـه وماتـت شهيـده
بين عنتر وقته وصهـوة حصانـه
الجويهـل شـبّ للفتنـه وقـيـده
وقام يرقص ويتمرقص في مكانـه
تحت ظل الشيخ وأحوالـه رغيـده
لا بس ٍ له ثوب صوف .. وجبّخانه
وموقد الفتنه على شـرع العقيـده
تقطع ارقبته .. قبل يقطـع لسانـه
و من نشدني عن حكومتنا الرشيده
الحكومه عانها .. والشعب عانـه
يحترون من السّعد فرصه سعيـده
والسعاده تحتري منهـم ضمانـه !ّ
و مجلس النواب فاع وضاع جيـده
وأبتلش بيـن القسـاوه والليانـه
حزب ينطح حزب في يوم الوعيده
ومن يقيم المؤتمر يصـدر بيانـه
أوّل لإشكال في الشيـك ورصيـده
وآخر الإشكال في رفـع الحصانـه
وسلطة التنفيذ فـي جملـه مفيـده
ماعليها من فـلان ومـن فلانـه
قبـل تحتّـك الحديـده بالحديـده
جاهـزه بالمطرقـه والخيـزرانـه
يا بلدنا مـا رضينـا لـك مكيـده
لعنة الله فوق مـن خـان الامانـه
والله أنّ اللي نشوفـه مـا نريـده
المشاكـل تعلجـك علـج اللبانـه
يا عساك بخير وأعيـادك مجيـده
وينجلي شرّك بستـر الله وامانـه
الله يحفظ البلاد ويطول عمرك ياامير باخلاقك وقدرك
سداح لله درك ودرابيك
صح لسانك
تحيات اخوك
|