،
،
ابيات وردّها
بيني وبين الاخ الشاعر ابراهيم الزراقي
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يالشاعر اللي تكتب الشعر بأحساس = سولف وعطني من قصيدك قصيده !
ياطيبها لن جت من الراس للراس =حكمه وكلمه من لسانك مفيده !!
الوضع يا ابراهيم بالحيل حساس = وانا ادري انّك فالمواقف وليده !
شعار وقتك مثل من يطبخ الفاس = غلطان من يبغى مرق من حديده !
واليوم من كثر الهواجيس لاباس = والله يدبّر مايشاه ويريده !
روّح زمان السيف والدرع والطاس = وهذا زمن عيده وجمهور عيده !
كم واحد ٍ فالوقت طرقي وعساس = ولاسولف الا بالعلوم الاكيده!
وان كان راحت بيننا اخماس واسداس =ماعاد نبغى الا قصيده جديده ![/poem]
قال ابراهيم
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
شعري بنيته يامحمد على ساس==والحمد لله مالحقني نقيده.
يابن رشيد انته لحالك عن الناس.=تأمر امر وإن رحت عني فقيده !
هوجست بي لو كان مافي هوجاس=وصارت شياطينك عليه مريده.
مانيب مكلوفن بجحدر وجساس.=عيني على العليا ولاهي بعيده
وان كان تبغى العلم ياطير قرناس=لايخلفك لفح الهبوب الشديده.
ترى العرب كلن بمنطوقه يقاس.=والي مضى ماظني احدن يعيده
وان كان بالك ياولد روق محتاس.=شوف الخبر منشور وسط الجريده.
الجود له حاتم وللخيل عفاس.=والا الزبيدي راس ماله زبيده[/poem]
|