بسم الله الرحمن الرحيم

السلام عليكم جميع ورحمة الله وبركاته :

القصيدة من البدايات . وموضوعها قدم احد البقوم ذيب ( جرو ماسكة فالبر )

هديه لحياة خالي / فيصل الرياحي رحمة الله وجميع اموات المسلمين .

وعُمل للذيب قفص حديد وضع في مزرعتة رحمة الله ووضع فيه الذيب .

وعندما مريته العصر قال شفت الذيب .

قلت : لا

قال: أجل نروح للمزرعه تشوفه .

وبالفعل شفتة ( شوفةً ما تسر ذيب ومسجون ما غار يفتر فالشبك ) .

وقلت : والقصيدة مطلوبة من احد اخواني ويمكن نسيت منها شيء

لاني مبطي ما قلتها . واول مرة انشرها .

شفت الزمن يا خال : وش قال . بالذيب = أثر الزمن : يخون حتى الذيابة
أمنولاً : رزقه على الله تسابيب = وعلى المطرف فالخلا . يندعابة
واليوم : وسط المزرعة بالمقاضيب = في وسط شبكاً . محكماً عنه بابه
سجين : شبك وسجنة الهم . تعذيب = وانا : سجين الهم . تمشي ركابة
ويا ذيب : لا تجزع ترا . مابها عيب = من الزمن : بيني . وبينك تشابه
بيني وبينك : من ردا الوقت . والطيب = حظاً : على الايام . ما ينعدابه
لكن أنا : لا عكراً المشاريب = وتبالشوا : فالراي . وانصك بابه
وسمعت : منهم . وامتلاً المحاديب = من راي خبلاً : والزمن . ما درابه
اقلط : على خالي عطيب . المضاريب = والسيف : تحمي شذرته . عن نصابة
بالراي : راي الطيب . وان جات للجيب = يعطي : ولا يلحق وراها . طلابه
اقولها : في وجه الايام . تكذيب = ان المطر : دمعة عيون . السحابة
وان الزمن : سيفاً على عاتق . الغيب = يموت به : وان القدر . من ثيابه
ويا خال : ما عن بعض الاوضاع . تجنيب = الذيب : لا حظ سجنته . والتهابه
اسمي : على يفرض كبار . المطاليب = واسمك : علي ساس الطلب . والطلابه
ووالله : لو اقضي حياتي . تجاريب = العز : قصدي . والعمر يا ذهابه

راشد الرياحي