منتديات المرقاب الأدبية - عرض مشاركة واحدة

20-12-2010, 02:10 PM

المشاركة الأصلية كتبت بواسطة عبدالله بن حويتان

نصين ..!

يعني قصيدتين في قصيده .. لله درك وبطرق مميزه ولا صار ومر علي

والله حرفنه شعريه لا يستطيع الوصول لها الإ قله قله يا مرزوق

القصيده الرئيسيه وطريقة الإبداع فيها :

اقبلت لك من قلب يا نجل العيون,اللـي هدبهـا ليـل والبـرق تحتـه
اذهلني محياك يوم اقبلت لي,ما هي غريبـه منـك يـا نجـل العيـون

امهلت لك مهله وانا ادريبك تمون,لو ان روس الموت للقلـب جهتـه
دفنت لي جمرة غضا وامهلت لي,فوق اللضا المدفون وادريبك تمـون

وإلى أخر القصيده على هذا المنهاج ..!!!

والدمج في القصيدتين طريقه بديعه للغايه

القصيده الأولى :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
اقبلت لك من قلب يا نجل العيون=اللـي هدبهـا ليـل والبـرق تحتـه
امهلت لك مهله وانا ادريبك تمون=لو ان روس الموت للقلـب جهتـه
ما قلت لك تفداك ساعـات الجنـون=الاّ تـرا يفـداك يومـه وسنتـه
رحّلت لك من خاطري كشف الظنون=كل المشاعر لجلك الـورد جنتـه
اشعلت لك نار الغلا مهما يكون=النار لا ناشـت حطـب عشـق كلتـه
ما يلت لك غصن شجره فوق الغصون=علّقت فيها حروف عشقي وثنته[/poem]

والقصيده الثانيه :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
اذهلني محياك يوم اقبلت لي=ما هي غريبـه منـك يـا نجـل العيـون
دفنت لي جمرة غضا وامهلت لي=فوق اللضا المدفون وادريبك تمـون
يتك خذيت عن الجنون وقلت لي=دام احتراق الروح ساعات الجنـون
وانت برحايل خافقي رحّلت لي=واشتلت فوق الراحله كشـف الظنـون
اشعلت لك لاوالله انت اشعلت لي=مهما يكون اخذ الخبر مهمـا يكـون
وانت الغصون العاليه مايلت لي=سويت سحرك وانثنت كـل الغصـون[/poem]

يعني 2 فـي 1

غير الجزاله في القول وحبكة القاف

صح لسانك مليووووون ولا يكفووووون

متصفح باذخ بالأدب والفكر يا مرزوق

أهنيك .. وما شاء الله عليك

:

:

تحياتي وتقديري

بعد صوره من رد بن حويتان