طابت اوقاتكم بالخير والسعاده ..!

نصّ يتمنى ولو بالقليل من الاعجاب


[poem=font="Simplified Arabic,5,darkred,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
للحزن في جوف صدري ضيقةٍ ماتـزاح=دايم ما بين الظلـوع العـوج مسكانهـا
دايم تراود ظميري فالمسـاء والصبـاح=متّسلّـطـه يالله اقّلعـهـا و سلّطانـهـا
مـا كنّهـا الاّ توردنـي لسـمٍ ذحـاح=أعــوذ بالله يالضيـقـه وشيطانـهـا
والهاجس اللي تهيّض عقب ما الورق ناح=غنّا مع الورق عجل وجـاوب الحانهـا
ما حرّك اشعوره الاّ من طعون وجـراح=يكنّهـا مـا يبـوح أ/بّهـا ولا خانهـا
إطعون لاكنّها ما هـي بعلّـط الرمـاح=اقّسى من رماحها / واقّسى مـن اسنانهـا
إطعون حبٍ ملكني ملـك ليـن استبـاح=إدموع عيني ../ وجرح النفس../ واحزانها
غرون صدفّني وآخذ قلبي وقفّـى وراح=نزع مـن النفـس رغبتهـا و وجدانهـا
معاد افكـر بغيـره فالّمجـي والمـراح=و انا عيونه يا كيف اقوى بنسيانها !
من عقبها يا حمامه معك اجـرّ النيـاح=زادت همومـي علـيّ ومـال ميزانهـا
أصبحت مثل القطاه اللّي كسيرت جنـاح=ما تقدر أ/تطير لـوّ تصفـق بجنحانهـا
لكنّ ليا صاب روحي هـمّ والحـظ طـاح=ملجـاي للخالـق اللـي عالـمٍ شانهـا
يالله انا طالبك ياللـي بيـدك الصـلاح=يا مـن لهيبتـك نفسـي زادت إيمانـهـا
يا ربيّ ادّخل بجوف الصدر كل انشراح=و اظهر جـروحٍ تعنيـنـا علشانـهـا
وابعدني من ضيقةٍ لاجات صعبه تـزاح=دايم ما بين الظلوع العـوج مسكانهـا ![/poem]

وسلامة الجميع ..

♥

آحبّها و اودّها و / الحقيقه !
كلّ المشاعر ما توصّف غلاها

حبيبتي و الوصل ما له / طريقه !
إلاّ تحمّل للجروح و شقاها

قلبي رهين الثانيه و الدقيقه !
يشقى و روحه ما يهوّن بلاها

وأنتي على وصلك نفوسٍ تعيقه !
لكّن بموت ولا حصلّي رجاها

♥