[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في عيوني تصغر اللي في عيوني اللاشي = كبر ابانين المسمَى يا ظروف الرحلة !!

وفي هجوسي موج يوم الليل عسعس طاشي !! = والسما برق ورعد // والآرض تحتي وحلة

لاجل هذا ناوي اشرح موقفي عالماشي= المقفَي عيب اتابع جرَته واجنحله

والكريم الوافي اذبحله ليا جا حاشي = والعلوم الطيَبة تسريله وتسرحله

والبخيل المفترض يقلط على فش فاشي = مير لاجل اصَك بيبان الحكي بذبحله !!

والصَداقة روحها في غرفة الآنعاشي = وقلبها لو مات قبل المعضلات اريحله

والهروج اللي تعلَ الكبد يالآوباشي = أآتغاضى عنَها و المنعمي بسمحله

لاجل تبقى رايتي بيضا بياض الشاشي = ولاجل تقدير اللَحات الغانمة بدمحله

بين مدَي للنَظر ( في دنيتي ) وارماشي= شرهةٍ تشره على من معرفتهم ضحلة !!

النََفوس اللي تسوق ( النعم ) لاجل الكاشي= وزنها في كفَة الميزان وزن النَحلة

وفوق هذا خاتمٍ بصبع يمين الرَاشي = لاجل غاياته تناضل دونه وتنبحله !!

زمرةٍ ترضي طموح الريَس البكَاشي = ولا كذب كذبة جديدة : لازمٍ تملحله

مير انا ما همَني من يتبعون الواشي !! = ورجل يسمع في خويَه ياعرب ما اصلحله

ما تنومس رفقة الشكَاك والغشَاشي = من يبا لا خالطه شكَه : تجي تشرحله !!

لا حشاا والصبر عودٍ في خفوقي عاشي = ياعسا يصمد معي لين انتهاء الرحلة

وفي عيوني تصغر اللي ما قواها اللاشي = لو سمايه مقتمة // والآرض تحتي وحلة[/poem]

هزاع الشيباني