سحايب الصيف تتبعها سحايب وسم
على كلام المنجم لوصدق بالحساب
واللوحه ابدع مصممها بفن الرسم
والهم مازال لو ساوت سهلها الهضاب
والعبد له من هموم الوقت حق وقسم
وله من خياله واماله ماستلذه وطاب
زفير الآمال يرجع مع شهيقه نسم
مير الرجا في امال الصبر والاحتساب
يامكثر الناس تفنى مير يبقى الاسم
والفعل دايم معرض للخطا والصواب
ومن ردت الفعل تدري ويش بعد الحسم
اما تجي راضـيه والايطـول الـغياب
صحيح انا اعرف شاهدها واعرف الوسم
لـو انهـا تسـتذير ولـو تعـوج الرقـاب
مادرج الضالعه ولا اقتنيت العسم
ولاني مدور ورى هاذي سوال وجواب
وين العقول السليمه ياصحيح الجسم
كنت احسبنك تقف من دونها ماتهاب
وقفت محتار باداءك يمين القسم
نسيت نـور الظــلام ولانسـيت الــعتاب
لو تعتبر عذرك اللي قلت عذرن دسم
لاتفرق البيض وشهي من جناح الغراب
تنبيك الايام كان الله اراد وقسم
وتعرف درب الخطا وتعرف درب الصواب
|