من لابغاني عاد وش لازمي فيه
......................................نلقى من وجيه النشامى بداله
لا عايدن بابه ولاني براجيه
.....................................وحلفت ما اشرب دلة من دلاله
عيبن علي امد رجلي واجيه
.....................................واجلس معه و اخاشره في حلاله
نبي على حسن النوايا نخليه
.....................................واللي قصير حبال مالي وماله
وان زل زله حالفني ما اجازيه
....................................يومن خيالي ما يطابق خياله
افعل سوايا ما توصل لها يديه
..................................ويطري عليه طارين ما طراله
ولالي على الرخمه حقوق و مشاريه
.................................ولاني بحب اللي قصيرن حباله
خله على كيفه يكبر علابيه
................................الوقت يظهر باقية راس ماله
نشوم عن معنا العافه وراعيه
.................................يوم الشكاله مالها الا الشكاله
دام الثريا الثرى بينها تيه
................................ونشوف نجم سهيل يظهر لحاله
ودام الذهب مع راعي العرف يقنيه
................................رجلي على طرد المقفين عاله
الصمت حكمه والحكم من تماديه
................................والصبر قوه والتعيب الجماله