يا نجد حالي راح والباقي مع الموقف خطير
.................................................. .مغير اغطيها عساها تنفرجلي كلها
الصقر الاول كبر لكن صار صقرن ما يطير
..................................................بلاه يسترها ويسكت والدروب يدلها
وانا ترا ما همني في موقفي هذا مدير
................................................المشكله فاللي يحسبني بواجه غلها
بيني وبينك حاجتن لها معي مثلك مصير
...........................................قرب المصير وبه رموزن جزت ما ابغى حلها
من تحت يدها بشت مطوي بس ما يستر قصير
............................................ان شالته اكبر غلط وان لبسته ما علها
شفت الضحى فتره قصيره عن وقت العصير
.......................................الشمس يدخلها الضحى ولا العصير يضلها
دامه كذا منك الخطاء بالذات غير
........................................اوضاعي اللي شفتها قبل ابتدي فاطلها
يعني كذا يا نجد صار انا على القوم الامير
.......................................لكن باسترهم ودعواهم معني با دفنلها
وان ضاق صدري بانتهي خله يصير اللي يصير
........................................اهم حاجه عزتي جوف صدري ما اذلها