السلام عليكم ورحمة الله وبركاته ،،،


متواضعة

أتمنى أن تحوز على إعجابكم ،،،

ودمتم بود ( مقدماً )

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أيا حرف شل معناك لا هنت يا ابجدي = ضميري لعوب الهم فكك درايشه
بعد ما حرمت الطرس وابل مسيرتك = لك اشهور والصاهد تطاير حشايشه
أبا منك تجنيد المعاني على الهدف = نوادر على المعيار ما هيب طايشه
ترى ما انت بملازم تبجح بنجمته = يسوط الجنود امع الغوارب بقايشه
تراك اللوا اللي مرهق اعداه بالخطط = ليا قام هاجوسي يبني عرايشه
ليا جا يدور بأول الليل ضيفته = دهنت اله شارب ، يقطع الله حرايشه
فلا هو تجمل يوم سيّر مع المسا = وانا ما هقيت ابمذن الصبح نايشه
كريم اليماني ما يحسب خسارته = ليوم ولد اللاش شح ابكدايشه
يموت الولد ما زيد سرّج مطيته = ولا قط ولّع فاللوازم فلايشه
عليه اللعينه لعنة ابليس فالسما = وجيه الفلس تحيا وبتموت خايشه
فألا يا نديبي فوق ما يقطع الصعب = ضلوع المحب البعد ذالليل حايشه
أبا منك معروف ( ن ) توصل رسالتي = إلى اللي زهى لبس الزوردي غوايشه
علام الغلا بالوصل يومه يشح ابه = يباني أسوق القاف وأضمر بلايشه
وأنا اللي دفنت امع الطواريق مهجتي = لهيب البعاد ابغبة الليل عايشه
عليك التحيه عد ما همّل المطر = أيا صاهد ( ن ) قامت تطاير حشايشه[/poem][/poem][/poem]