ناصر الشيباني

بكل امانه ماعمرتها مرت عليّ الادوات المذكوره اعلاه

بقول لكم سالفه عجزت انساها : يوم كنت صغير ادرس فالمدرسه صف خامس اتوقع او رابع

المهم كان فيه مدرس عيفني الدراسـه يحط القلم بين اصابع يدي ويضغط لين تطلع عيوني ..

المهم كرهت الدراسه بسببه .. المدرسه ماهيب بعيده كنت اروح رجليه صررت اذا صحوني اهلي

اخذ شنطتي والفسحه في وسطها حتى ماانسيتها سندوتش بيض وسن تووب واتوجه يم السطح

اتكي فيه لين وقت الظهر اذا سمعت الاذان نزلت يابلفيت اني جاي من المدرسه ..

وبعض الاحيان اقول الله يقلع الدراسه يابلفيت اني رايح للمدرسه <<<< مسوي ذكي الاخ

المهم استمريت تقريبا ً اربع ايام اليوم الخامس اتصل المدير على ابوي

قال سلامات عسى ماناصر جاين عليه شي عسى ماهوب تعبان قال ابوي ناصر طيّب ولافيه شي

قال المدير ناصر له اربع ايام غايب عن المدرسه قال ابوي افاا .... المهم يوم أذن صلاة الظهر

نزلت من السطح كالعاده ومن دخلت اخذيت تقريبا ً ربع ساعه مالمست الارض .. والله طلع الاربع

الايام بخمس دقايق مني .... عقبها قسم بالله كنت امررض ولا اغيب يقول لي مره وكيل المدرسه

انت اليوم باين عليك مريض وتعبان مرره ليه ماغبت قلت ارجووك غير الموضوع ..

يمكن جلست اربع سنوات ولا يوم غبت عقب هالسالفه ...



طوولت السالفه صح ..


طيّب سؤالي


لو خيّروك بين جلسه على البحر والجو غيم او طلعه فالبر وقت الربيع ايهم ستختار