دارين

النهايه


سنتوقف إلى ان يكون لحرفنا صوت و لوجودنا صدى
وسنصمت حتى يتبين القلب الأبيض من الأسود
سنزرع بالأرجاء ورود تشهد لنا ..وسنبتسم لهم من اجل انفسنا و غيرنا ..

لو لم نكن بتلك الأهمية في قلوبهم لما التفتت إلينا انظارهم .. و توالت علينا احقادهم

إذن , سيبقى الحال على ماهو عليه وعلى المتضرر اللجوء للدعاء
( اللهم اكفنيهم بما شئت )



كلمة أخيرة

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا كيـف ابقطـع دابـر الحقـد المسكّـر للطـرق=مـا دام حاسـدنـي يـسـدد للهدف و يقـاربـه
اجرح و سيّل دمعتي , ذنبـك عـن العالـم فـرق=ياللـي علـى درب الخطايـا غـرتـه تجـاربـه
طفّيت نجم البارحه مـن عقـب مـا ضـوّه بـرق=واصبحت تنشد في نفاق .. [ البارحه من جار به ؟ ]
ناسي ظلامك كيـف عمّـه ليـن بالعانـي سـرق=نـوره و سلطانـه و قـدرٍ بالخفـا محتـار بــه
باكر يجيك العلـم عـن عـزمٍ علـى النيّـه زرق=مـن بيـن فكّيـن التخـاذل والعنـا و آقـاربـه
ماني على النفس العزيزه ألطف امـن اول و ارق ,=ان كان ما نسّيتهـا ظلـم احتمـل مـا صـار بـه
يـا مدوّريـن ام الحقيقـه عنـد قطـاع الـطـرق=الحـق ضـاع بعرفـهـم وتشـتـت مضـاربـه
ما جيت اطالب بـه وهـو بيـن الزوايـا منـدرق=خلّـه عسـاه يغيّـر طبـوع النفـوس الخـاربـه
جيت وعلى صبري علم مـن بـادي الدنيـا شـرق=جيـت وعميـق الجـرح يـزرا بالظـلال الهاربـه
بآروح لا شفـت (المكـان العالـي) بيـدّه طـرق=بيبان ( سقها ) و ( استريح ) و ( كدرِّو مشاربـه )
بـآروح لـو درب العلـوم الصايبـه مـا ينطـرق=مـن نـاس جرّتهـا تحـدد مستـوى مسـاربـه[/poem]



**********************



البدايه


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ابكي على الاطلال من زين الاطلال=اللي على مـر المدامـع حدتنـي
احزان ترسم دنيتي قيض و ظـلال=واوهام في درب العنـا توّهتنـي
وان قلت ابنسى طوّلت ضيقة البال=وان قلت اعاتب بالسكوت احتوتني
امشي على قانوني اللي صبر نـال=واضحك بوجه الكايـده لا كوتنـي
ولا قول ياربي متى الحزن ينجـال=ولا قول حـزات الشقـا عذّبتنـي
دنياي دواره ومن حال لـي حـال=دوم اتّغيـر بــس ماغيّرتـنـي
مازال حلمي حي و عزومي جبـال=وهبة ريـاح اليـاس ماعوّقتنـي
ولازال لي قلبٍ على الضيق حمّال=ضاري على فوج الهموم ان لفتني
ولي صبر وافي بالمواقيف رجّـال=يفزع بوقفاتـه ليـا كـلّ متنـي
ولي دمع يمطر تالي الليل همّـال=يغسل همـومٍ بالصـدر ضيّقتنـي
ولي ضحكةٍ ادبل بهاْ كبود عـذّال=ياما على قـل المـوارد عطتنـي
ولي طيب يدمح طعنة الغدر فالحال=مادامها بيديـن الاحبـاب جتنـي
الجرح منسـي والتناهيـد مـوال=والحزن عابر والخسايـر طوتنـي
حتى اليقين اللي لبس ظنـي و زال=قال : الهقـاوي فيـك ماجمّلتنـي
كل المشاعر شرّعت باب الامـال=من جودها و موجودها ضيّفتنـي
وكل الظروف تهون في ظل الاطلال=اللي على مـر المدامـع حدتنـي[/poem]



كانت النهاية آخر كلماتي .. عقبها غياب طال

والبداية أولى كلماتي لعودة تمنى علي البعض ان تكون دائمة لا انقطاع بها



رحلت على مرأى من عيونكم .. وعدت على صدى نداءكم

وبين الماضي والحاضر قصص تروى .. و حكايات لازالت جروحها تنزف



عدت جاعلة من الماضي قوة

ومن الحاضر أملا مشرقا

ومن المستقبل حلماً لا يتوقف



وهنا .. اعود لأفتتح ركني الخاص من جديد ..

آملة ان تجدوا فيه ما يرضيكم .. ويسليكم .. و يقربني اليكم



على الحرف والشعر نلتقي