للصّدْق ناس ٍ مَعَ الايّام ، مَذْكُوره
وصْدُورهم واسِعَه و قْلُوبهُمْ حَيّه


أرْواحهُمْ بَ الوفَا ، وَ الطّيب مَغْمُورَهْ
وَ افْعَالهمْ بَاقِيَهْ مَاهِيب مَنْسِيّه


الحبْ قَفّى زمَانَه و انْتَهَى دورَهْ
مَاعَادَه اللّي ، وجُودَه ذَات أهَميّهْ


منْ بَعْد مَ اصْبَح : مَدِينَهْ شبْه مَغْدُورَه
فقَدْ مبَانِيه .. وَ اشْيَاه الطّبيعِيّهْ


فقَد من يْحسّ بَه / بَ الصُّوت وَ الصُّورَهْ
فقَدْ حَلاه ، وْ لِيَالِيه الرّومَانْسِيّهْ


الرَّجْل لاَمنْ عَشَقْ لَهْ بنْت مَسْتُورَهْ
يحبَّهَا فِي طَريقَهْ .. لا إرَادِيَه .. !


عَشَانَها مسْتعدّ .. يْسَبّبْ الثّورَه :
اللّي بـ ( تُونس ) / عَوَاقبْهَا خَيَالِيّه


مَايسْتغِلّ الغَلا .. فِي كذْبَه وْ زورَه ،
و يْقُول ( احبّكْ ) وهُو مَا يصْدق النيَّهْ


يَا كرْهِي لـ رَجْل ، مَات الصّدْق فـ / شْعُورَهْ
يسْتَغْفلْ البنْت ( منْحَتْهَا الأمِيريّه .. !