[poem=font="simplified arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قبل الوداع وقبل تفريق الارواح=قرب وباخذ معك فالعشق جوله
جوله على اللي مننا يابعدي راح=بارض المحبه بين جوله وصوله
من يوم شفتك برق حبي معك لاح=مير الليالي في هوانا عجوله
شيدت لك مبنى الغلا والبلا طاح=من سبة المقسوم طاح بسهوله
كن النصيب يسوق لي غبن وجراح=وكن البخت يصرخ ولانيب حوله
عيني عليك وكل ماصاح / ياصاح=اقول له ذيب الغلا من يحوله
ذيبٍ عوا في جوف صدري ولا باح=في سر حبك والاماني خجوله
وورق الحمام اللي بقلبي معك ناح=فاربع سنين العشق حاز البطوله
بين الحنايا مرتعه كل مافاح=قلبي من الاشواق هاجت خيوله
وميدان شوقي كله سهوم ورماح=حرب الوله منّك تضارب طبوله
وحان الوداع وحان تفريق الارواح=لن الليالي في هوانا عجوووله ...![/poem]
|