مليت أضم النوافـذ فـي عنـاق الظـلام
ومليت أحبك كذا من دون حتـى أصـول

ومليت أبارك لهجرك في غيـاب المـلام
ومليت أرتبّ صدى صوتي طلوع ونـزول

لو تدري اش كثر يخنقني ضجيج الزحـام
ماكان غبت وتركت الأرض تزهر ذبول !!

شفني على أول بزوغ الحلم مانـي تمـام
وشفني مدار الأنين اللي نبع بـي سيـول

تدري وش اللي بقالك قبل مـوت الكـلام
سكينْك اللي رست بينـي وبيـن الحلـول



الله الله الله الله الله


وش هالجمال وهالابدااااااع

قصيده قمه بالاحساس والعذووووبه

لله درك يا اخي عبدالرحمن على هالرااائعه

مبدع في كل حالاتك

صح لسانك مليون

ولاهنت

تقديري

و
ج
د