[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلـب لاتبـدي عماسـك ليـّه = عندي قنادك لو صبـرت شويـه
قناد شعـر ٍ فايـح مـن جوفـي = ماهـو بدلـة كيـف بغـداديـه
الفكـر بنـه والروابـع هيـلـه = والطـرق كنـه رشفـة البريـه
شعرٍ اصيل ومن صميم اوجاعي = ماهوب (دلعونه) ولا (مرعيـه)
مارددوه اهـل الطـرب فغناهـم = يحرم عليهـم دام نفسـي حيـه
اتعب على طرقه وادور جزلـه = ما اخذت من هـذا و ذا عاريـه
بعطيك موجز دون افصل علمـي = مع صاحب ما اظن بـه ماويـه
لاقلت له غض النظر وارحمنـي = يقـول هـذي نظـرةٍ عفـويـه
بـلاي هالنظـره وسحـرٍ فيهـا = هيبة شجاعٍ فـوق سـرج عبيـه
ارحم يامسلـم دام قدمـك مسلـم = مااحنا بيهود ولا انـت فالنازيـه
خفف علـي ولاتـزود جـورك = لاتنجـح الكيـه وقدمـك كـيـه
كي الزمان وساطيـات طعونـه = خلـت معاليـق الحشـا مكويـه
الوجه شاحب من بعـاد ولوعـه = عليه مـن طـول الشقـا ماريـه
جيتك من همومي وبشري همـك = واعطيـك قلـبٍ داخلـه حنيـه
لك فيه منـزل عامـر بوجـودك = ولك صورة عن البشـر مخفيـه
الحب هـم وكـل نفـس تتوقـه = والنـاس بهمـوم الهـوا مبليـه
قاطع كلامي قـال اسمـع كلمـه = ا ظروف وقتـي ماتجـي بيديـه
في حكم غيري ماملكت امـوري = والنـاس مامـوره وذي منهيـه
لو كان ودي وانـت تملـك ودي = ودي بوصلك لـو تعـرف النيـه
صافحت كفه قلـت لـه لاتكّمـل = قدام لا اكسب في زمانـي سيـه
[/poem]
|