[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
السلام عليكم ...

فار دم التونسي والتونسيّه = والنصر فالتضحيات وفالعزايم
والعزيزي قدّم لشعبه هديّه = وصار طير العز فوق الشرق حايم
وولّعت فالقاهره واسكندريّه =وكل حزب ٍ قام يطلق له شتايم
رجّعو وقت الجهل والجاهليّه = وصيّحو لإبليس يوم إبليس نايم
الله سترك من زمان البلطجيّه = يدهسون الناس دهسات البهايم
بالمواتر عقبها جات المطيّه = ومن سقط قدّامهم ماهوب قايم
شوف عيني كل ٍ يطارد خويّه = والشرار يلوح والدخّان عايم
والجموع أمواج كل ٍ في نحيّه = والفرس تاطا على روس القوايم
قوّمت الاموات صوت المدفعيّه = وكل فلاّح ٍ جمح يبغا الغنايم
والحكم ماعاد فيه إلا الأذيّه = والليال التاليه عكس القدايم
ما تفيد الفرعنه والعنجهيّه = كل ظالم في سجلاّته جرايم
وحسني مبارك على راس القضيّه = ما عليه من الدعاوي والتهايم
واليماني حاص يوم النار حيّه = قال عن حكم البلد عايف وشايم
والخطر فالفارسي والفارسيّه = والبلاوي كلها تحت العمايم
يدفعون المال عبر الصيرفيّه = لين شب الشرق ناره له ظرايم
وسلامتكم
[/poem][/poem]