لا واهني اللي معاهم تعللت
.................... هنيّهم ما فارقوا يوم عينك
ماهو بمثلي في غرامك تغربلت
.................ما بين دمعاتي وشرهة سنينك
يا غايبٍ ليتك بحكمك تمهّلت
............... من قبل تذبح فالمحبه سجينك
ليتك بوصلك يا عذابي تجمّلت
............... يومك خبرت القلب كله رهينك
خذني غلا .. لو زال وقتي فلا زلت
...........في خافقك .. لا صاح مرساك [وينك ]
خذني سما .. لو بس فيها تأمّلت
........... لحظات .. تشبك في يديني يدينك !
اي والله احبك لو اني فلا طلت
................... الا حبر دمي وصادق حنينك !
اي والله احبك لو اني فلا نلت
................... الا صدى دقّات قلبٍ تدينك !
يا منْيتي .. لو قصر الوقت بك شلت
............. قلبي .. وسقته [ صك ] في راحتينك
ويا دنيتي لو مال بك حظك وملت
...............خل [ العهد ] محفوظ بيني وبينك
بامر الذي بيديه امري توكلت
............... الواحد اللي سن شرعك ودينك !