[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابو جمل ضيفتنا لاعدمناك = وعساك تسلم ياعريب الجدودي
لوكنت اعَرف انك معسور ٍ عذرناك = خليتها للي عليك امحدودي
مجناي ياشيخ العرب مثل مجناك = ومسجل ٍ بالتابعيه سعودي
ويمناي لامديتها طول يمناك = وانا احمد الله بيض ماهي ب سودي
ون كان بوك بعالي الرجم عداك = ابوي عداني بعالي السنودي
انت الاسد وحنا السراحين تبراك = ولا تخر الاسدان غير الاسودي
يابوجمل زودتها لاعدمناك = والحر مايصبر لكثر اللهودي
لاتستمع راع النميمه ليا جاك = تلقى معه بالهرج نقص ٍ وزودي
علمك يجيبه لي وماقلت وداك = ضاري على وشّاي عود ٍ بعودي
والله لو بادورك صبح للقاك = لاكن عيب اقطع كبار الفنودي
والملزمه ماهي ب مشروب تنباك = الله يبوق الي يبوق العهودي
والي يخون وينقض العهد يفداك = يفهق عن السفرات صوب الردودي
هذا جوابي يا ابيض الوجه وعفاك = الزم حدودك واما انا الزم حدودي [/poem]
|