خلوها تعدي لين أطيّح الميانه مع المواهب


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يظلم الليل ويعمّ الهدو .. والسكينه = طفّ بالله نورك يا عمود الأناره
خل وجه القمر يبدي عليّه بزينه = وأفترد به ما دام الليل سادل ستاره
( شركة الكهربا ) للي سواتي غبينه = نوّرت كل بيت .. ونوّرت كل حاره
كل بيت ٍ وإله عدّاده موصّلينه = وأقطعوني من القمرا وألا واخساره
ويش ذنب بدوي ٍ ساكن ٍ فالمدينه ؟ = كل ما طقّه النسناس .. طقطق زراره !
كنّه يشيل نفسه بين خشمه وعينه = حر .. لكنّ صابه فالمدينه كواره
يالله إنّك على جدران بيته تعينه = قبل يهدم جداره غصب .. واجدار جاره
كيف أبمدّ شوفي بين فينه ، وفينه = والعماره مشيّدْة ٍٍٍ وزان العماره
أتبيّن وجاري فالحصون الحصينه = كنّي أمسك على بابي وبابه خفاره
كل ليله وأنا مع شارع ٍ راصفينه = وآتوطّى برجلي في زفلته وقاره
الظروف محقا .. مار الروابع سمينه = والليالي سرى .. والعمر يمشي قطاره
آه يا حن قلبي .. وآه مـ / أشين حنينه = وآدماره من اللي حسّ به .. وآدماره
آدمي ٍ معاي إحساس ماني مكينه = ما مركّب علي أمبير ضغط وحراره !
أملك اشعور وآحاسيس ، مأملك خزينه = قلبي يضخ دمّ .. ونص كبدي مراره
أختلف وقتنا والوقت تالي سنينه = يمكن إن الوقير يضيع فيها وقاره
أردموا عدّكم يا بدو ماتوا قطينه = وأردوا البيب دام البيب تشتب ناره
عانك الله ياللي دوب نفسه ودينه = في خضمّ مغريات العولمه والحضاره
( ثوب تقوى ) تراه آخير يا لابسينه = من بشوت الغناه .. ومن بشوت الأماره
[/poem]


وسلامتك