مرحبا والهدف ياسعود نفس الهدف
درتن دونهـا الشمعـه بمشكاتهـا
خابت آمالنا ياجهـد مالـك خلـف
والقضيه سندهـا شاهـد اثباتهـا
بين بغداد والبصره وباب النجـف
قيتوهـا بقاتـن ماهـو بقاتـهـا
واستدارت وحارت فول المنعطـف
عقـب ماركـزو للنصـر راياتهـا
عالمن مختلف في واقعن مختلـف
مير ربك كشـف ياسعـود نياتهـا
ماتوقعتـهـا لاكنـهـا لـلأسـف
الاوادم توقضهـا مـن سباتـهـا
بعد ماصدرت بين الخلف والسلـف
ماغوينـا مغازيـهـا وغاياتـهـا
النمايم مناهـج حزبهـا المئتلـف
قبـح الله مناهجـهـا وعاداتـهـا
مجلسن فيه من نفس النمونه طرف
عز نفسك عنه لوفيـه مشهاتهـا
عنه تلقا مكانن بـالادب متصـف
ماتصح السوالف غيـر برواتهـا
ماتغيب المراجل عن رجال الشرف
لوتغيب الكواكـب عـن مداراتهـا
قلتها والهدف ياسعود نفس الهدف
مير خل الفروض الخمس فوقاتهـا



الله الله الله


ياسلام عليك يامنيف جزله وذات معاني وابعاد رائعه

صح لسانك

تحياني لك