.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
واقفه وانْتظر رجعتك لين المغيب = واقْفت الشمس واعْلن صبْحي الانسحاب !
ماهقيت الامل في ظرف ساعه يغيب = لين شفت الاماني تعشق الاغتراب !
ياقريبٍ غريب وياغريبٍ قريب = الوطن ضاق من طول السهر والغياب !
خيّم الليل في صدره وزاد ه نحيب = وذْرفت غيمة الذكرى دموع العذاب !
كل شيٍ بعد غيبتك صاير كئيب = وكل حلمٍ بعد ماقفْيت اصبح سراب !
كيف ابخْفي جريحٍ مالقا له طبيب ؟ = كيف اداري عذابي والمواجع كتاب !
تصرخ حروفه بوجه الزمان وتجيب = رجْفة الصوت شرهات الهوى والعتاب !
ماهقيت انْ ظنوني فيك مره تخيب = لين حطّيت مابيني وبينك حجاب !
لين ما ادْميت جرْحٍ بالحنايا عطيب = لين سكّرت في وجه اللقا كل باب !
غيب .. مادام بعدك والمفارق نصيب = ارحل وصد .. لو شمع الهوى منْك ذاب !
مابيَدّي حلول ٍ انتظرها تصيب = ولا بقلبي طموحٍ يرتجي له زهاب !
ضاق في عيني الكون الوسيع الرحيب = وخْنقت نسمة الاشواق صدْر الضباب !
مير ما يرحم المشتاق ياغْلى حبيب = غير شوفتك طيّب لو يطول الغياب !

[/poem]