[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قبل لا يبحث خفاي ولاتفل اوراقي=اسمعي مااقول فيك وسمعيني ردك
شوقي اللي في عيوني مصدره خفاقي=وكل مابي من وله ناتج جفاك وصدك
وضيقتي في غيبتك تسكن بجوف اعماقي=وامتلكتي كل شي ولامسكتي حدك
تستثيرين المشاعر بالسلوب الراقي=وكل بيتن تسمعينه يجذبك ويشدك
جيتك اغنيه يوم ان صدري ضاقي=ومن سمع مااقول فيك يقولك من قدك
واعتصمتي وسط ميدان الجفا والباقي= من هتافاتك تعيدك للغلا واعدك
مزهرية شوق غير بقمة الاذواقي=عودها عـودك وشوفي وردها في خدك
لي طلب وان تم اشوفه قمة الاوفاقي= صادر باحساس صادق بالغلا من جدك
اغمريني في غلاك الين حد اغراقي= واعملي معروف في وسوي اللي ودك
[/poem]
|