اسمحوا لي بهالمشاركة الحصريه هنا :-


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
معمّر الزنقه .. في زنقة كبيره=نفسه بنفسه في المصايب زنقها
معتوه والمعتوه .. تايه بصيره=في كل يوم المشكله يختلقها
لا دين .. لا مذهب.. لا نخوه .. لا غيره=مثل البهيمه في طروق ٍ طرقها
له ملة ٍ يوم أعتنقها مثيره=فال الله ولا فال ما يعتنقها !
خشمه كبير وجبهته مستديره=ومن دمّه الناشف تناقط عرقها
تقدح شرار عيونه المستطيره=واليا فتحها بالبلاوي طبقها
يمناه مذنوبه .. ودقنه قصيره=ليله يخنجرها .. وليله حلقها !
قامت له الثوره وجاته مغيره=هبّت عليه الذاريات ونشقها
وبالهلوسه ماعاد يعرف مصيره=وام الكباير ناشب ٍ في شنقها
الى الامام .. الى الامام .. أتعبيره=والبندقيه قام يلحس فشقها
ما غير ينخى في شيوخ العشيره=واللي تراجع عن طريقه لحقها
الشعب الأعزل يقصفه بالذخيره =كم ديرة ٍ باللي سكنها حرقها
من دون كرسي حكمه اللي يديره =لو ثارت أمّه فوق حكمه شنقها
يا جعل سيفك ينكسر في جفيره =يا الحاكم المجنون .. خذها وذقها
حرّه بني غازي ولاهيب أسيره =والزاويه بكره تحرّرّ شققها
وطرابلس تدفع عليك المسيره =والغطرسه تطبخ وتشرب مرقها
قاداتنا تنهار في كل ديره =خلايق ٍ سبحان ربّ ٍ خلقها
مير العوض حكّام شبه الجزيره= تبقى ولو شان الزمن ما سحقها !
[/poem]


وسلمتوا ،،