[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سنين مرت .. كنها قطعة ايام=راحت من سنيني ولا ودّعتني
اللي بقالي منّها .. روس الاقلام=ذكرىً تذكرني بمن خالفتني
جيت الديار اللي من العام للعام=ازورها .. وأطلالها موحشتني
صدفه .. وكم جرحٍ بعد غفوته قام=عرفتها يوم انها عارضتني
وقفت مابين الحقايق والاوهام=مرت علي الذكريات .. وخذتني
لحظات في عيني مثل طيف الاحلام=اللي ل( هذاك ) الزمن رجعتني
ل( ايام ) .. ماكنّا نفكر لقدّام=يوم اني ارجيها .. وهي راجيتني
راحت بحفظ اللي كفل رزق الايتام=الله يسامحها .. وراء ماحترتني ؟
راحت ونكّست البيارق والاعلام=وقنعت يوم ان السلوم اجبرتني
اليوم مرتني تخطّى بالاقدام=عدت علي .. وكنها ما اعرفتني
ماكنها اللي خلت ضلوعي حطام=ولاكني اللي قبل اسافر بكتني
مدري اعرفتني ! بعد خمسة عشر عام=والا انها بعد كبرنا .. نستني ؟[/poem]
من مربع المستشار
لـ مشعان البراق
صح الله السانه مليون
|