السلام عليكم زوار واعضاء المرقاب تقبلوها بصدر رحب
غيم الوصال يجول في صحصح اجفاك
مشتاق همّاله يعانق ترابك
لاتفتكر هجرك يخليني انساك
يزداد حبي لك ويقوى بغيابك
تدري ششوف بقلبي ان حل طرياك
اشوف هجرك مع غلاك امتشابك
ان زاد هجرك زادت اشواق لقياك
وليا لهيت البال عنْك إلتهى بك
ان غبت عني غابت الروح ترعاك
والنبض والتفكير حرّاس بابك
واقعد بلا نبضٍ ولا روح وادراك
ميّت وعايش بس لاجل اللقى بك
يحيا الخفوق ان مرّت اطياف ذكراك
ويرجع يموت ان شاف حوله سرابك
هذي هي احوال الأحاسيس ويّاك
بين الممات وبين رجوى إيابك
بدر ناصر المورقي