منتديات المرقاب الأدبية - عرض مشاركة واحدة

20-03-2011, 02:05 AM

قصيده للمبدع سداح ,,

منتدى المرقاب مغلق للصيانه
والصيانه كل يوم و كل ليله

نضغط الرابط ودقّر في مكانه
وان تحرك صارت الشاشه ثقيله

ما منعنا نمسطه بالخيزرانه
غير حيثه صرح ما نلقى بديله

ليتني ما بيني وبينه ميانه
ولا أرتبطنا في علاقتنا الجميله

كان دمّي ما تسبّب بغليانه
يوم أنا وياه من نفس الفصيله

أعشقه وإليا تعطّّل قلت عانه
في ضلوعي عوّد يشبّ الفتيله

والله أنّ النت ما يسوا وزانه
لو يحطّ الدوت كوم ولو يشيله

يختلف بين المواقع في كيانه
بالتفاصيل القصيره و الطويله

علّموا قوقل عليه الله وامانه
لو بحث ما جاب لي موقع مثيله

وأخذوا من الداعم الفنّي ضمانه
وأضمنوا دعمه من شيوخ القبيله !

فكتبت مجاراه متواضعه ,,

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
منتدى المرقاب كم نسهر عشانه=وان تعبنا ماحسبناها جميله

والله انه عندنا مثل الأمانه=والكثيره تنحسب لجله قليله

كم بذلناها على شانه وشانه=كثرة الوقفات والسبه عميله

من حموله لو نقول انه تكانه=ما يشيله سيرفر وانهد حيله

ماهو بموقع يالادانه ي دانه=صادق التعبير والكلمه جزيله

واثق الخطوه على قدر ومكانه=من يفكر يعترض دربه يزيله

والزمان الي شهد ماهو زمانه=راح جيل وجاه جيل وفيه جيله

ماحد يمسك ولايطلق عنانه=لو حصل عدلٍ على وقته وميله

يعشق العليا ولا يهوى الطمانه=تقصر الأنظار ماقدرت تخيله

علموا سداح نعطيه الضمانه=محتمينه بالقصيره والطويله[/poem]

من التوقيع إلى هنا .