,

من اللجنة .. الى المواهب
الى هنــــــا

[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لبيه يابهجة العشاق هذا الوثاق = هاكيه واستآسري روحي بـ .. معلوقها
البارحه يوم في عيني فضا الكون ضاق = والنفس صكت على حالي بـ .. صندوقها
صافي وفاك انتثر وسط الحنايا وراق = حتى خلايا المحبه بلّت عروقها
لولاك يمكن تموت بقسوة الاختناق = وزود / الجروح القديمه ينتكس عوقها
لكن تباشيرك اعطت للهدايا سياق = تمشي عليه وبريد الطيب من فوقها
بينك وبين الفرح تنسيق ولاّ اتفاق = ولاّ مزون الهوى لاحت لك بروقها
طلتك يوم اقبلت صبّت لذيذ المذاق = ومنها ..!! الحياه استزاد الخير في سوقها
لبيه من ضلع صنعاء لين نهر العراق = صرخه تنسي نداء ليلى ومعشوقها
ما والله اني صرخت ابها رياء ونفاق = لاوالله الا .. نوفّي العالم حقوقها
ميثاقنا مايضيع ولا نفك الوثاق = اللي عليه ارتبط روحي بـ .. معلوقها[/poem]