ذنبك على جنبك
[poem=font="Simplified Arabic,6,white,bold,italic" bkcolor="sienna" bkimage="" border="ridge,4,darkred" type=1 line=1 align=center use=sp num="0,black""]
ياحامل اوزار البشر بسالك ليه = حملت نفسك بالحمول الثقيله
همك تجيب العلم ولاتوديه = فرّاق شمل ولعنبوها وسيله
الصدق يرفع للعلا شان راعيه = منهاج حق وعز نفس وفضيله
والكذب يطرح وجه من يحتزم فيه = لامن بدى وجه العميل الـ ,عميله
مالك علي اعتاب مالك مشاريه = ايضا ولالك عند غيري جميله
ونكان لك معروف مع من مسويه = اثبت وخذ رده ومده جزيله
لا انته بطالب حق ياخذ ويعطيه = ولا انته خصيم اقابله واحتسي له
نمام حاسد مانلد النضر فيه = ومن الردى والنقص كبده غليله
وراع اليمين الي طوال ٍ يمانيه = مامدها لهل اليدين البخيله
جاره وضيفه ونشد الي يخاويه= تلقاه لامثلك ولا انته مثيله
اخذ الصحيح امن اوله لين تاليه = وعندي براهين الكلام ودليله
تزعل ويزعل منه غيرك ويرضيه = ماهمني لو كان يزعل قبيله
لك درب تمشي به ولي درب ماشيه = واحلا لك انا كل حي وسبيله
ونكان طبعك منت قادر تخليه = ذنبك على جنبك وذنبي تشيله
مابيك تذخر شي تقدر تسويه = مادام تلقى فيه بصر ٍ وحيله
والي على بالك ولاني بـ, ناسيه = مسافة ٍ بينك وبينه طويله
السيل ماتقدر تغير مناحيه = هذي تراهي حاجة ٍٍ مستحيله
والنور يطلع منت قادر تغطيه = في ذمتي ماتكسب الا الخجيله [/poem]
|