السلام عليكم
تواصل مع المواهب فقط لاغير

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هل التعب في عيون اللي يغيب ويفيق =ولابينه وبين موته غير كلمة نعي !
من كل حاجة حزين وكل حزني عميق =ادناه ضيقة صدر واقصاة خيبة سعي
نور الرياض وهوا الغربي وقمة طويق = تجمعت في نفس صدري وبين اضلعي
مابين حزن الحياه وبين فقد الرفيق = دخّلني الحزن في حآله من اللا وعي !
ياضيقة الصدر شوفي غير عيني طريق = واخذي قساوتك من درب التعب وآطلعي
حلقي نشف ريقه وحول على العين ريق = وآذا نشف دمع عيني سال دمع اصبعي
الدمع ماغير مويه والمشاعر حريق =يادمعتي لاطلعتي للعيون المعي
ماهيب دمعه مذله فالوجه ماتليق =لو ان فيها مذله كان قلت ارجعي !
فيها من الذكريات وحبل عمراً وثيق =مايخلي الحزن في غيره خطا مطبعي
وآدعته البارح وسافر / وقفى صديق = ان ضاق قلبي معه وان ضقت قلبه معي[/poem]

al.otaibi.3@hotmail.com