[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يافرحة سنيني عودي كل شئ يعود=مداهيل قلبي من غيابك سناوية
تعالي وخلي وصلك يجود بالموجود=مواريد حبك باقية مثل ماهية
لاهبت على طاري قدومك هبوب النود=تعالي وحطي راحة يديك بيدية
زمان الغياب المنصرم ماعنه منشود=كثر خير صبري مالنا في العتب نية
بعد ما اكتشفنا احلامنا دربها مقعود=نبي نغنم أيام الغرام الربيعية
كفاية وصلنا للنهاية ولابه زود=سوا صدمة ايام الشقا للشقاوية
من العام وانا اطوي دروب وبلد وحدود=ولامستفيد الا الخطوط السعودية
اغني غرامك واللحن والبيوت شهود=وهذي جنوبية وهذي هجينية
عشقتك وانا زاهد هوى مترفات الخود=غرام ٍ سطى من عام 20 هجرية
أحبك ومع طيفك ومع طلتك موعود=وأفادي على شوف العيون النداوية
تظلل على خدود ٍ وأنا أجزم ماهي بخدود= هذي باقة زهور وورود ٍ طبيعية
ظلمتي معك قلبي بسحر العيون السود=وقمتي تحدين المتيم على غيه
ورثتي جمال العايلة ياآخر العنقود=وكبرتي وصرتي قنبلة زين ذرية [/poem]
|